Խնձորը չնկատվեց, որովհետև կաշառք են տվել. Վարդան Հարությունյան
Տնտեսություն
ՊԵԿ-ի նախագահ Վարդան Հարությունյանն այսօր հրավիրված մամլո ասուլիսի ժամանակ անդրադարձավ վերջին օրերին մեծ սկանդալի պատճառ դարձած ադրբեջանական խնձորի անօրինական ներմուծմանը:
Վերջինս նշեց, որ ադրբեջանական խնձորներն առանց մաքսազերծման ՀՀ ներմուծելու դեպքն ինքը բացասական է գնահատում և ընդունում, որ այս հարցում իրենց մեղքի բաժինն ունեն:
«Համակարգը մաքրելու փուլում կան մարդիկ, ովքեր չեն հասկանում, որ պետք է նման զանցանքերից զերծ մնան: Ես մեղքի մեր բաժինն ընդունում եմ և էլի եմ կրկնում՝ մեղավոր մարդիկ մեր աշխատակիցների շնորհիվ են բացահայտվել: Մեղավորները կպատժվեն»,- ասաց ՊԵԿ նախագահը:
Վերջինս նաև նշեց, որ այս պահին ինքը չի կարող հնչեցնել ձերբակալվածների անունները, քանի որ գործը քննչական կոմիտեի վարույթում է:
«Այս գործում մեղավոր է ոչ միայն այն մաքսայինը, ով կաշառվել է և թույլ տվել ներկրել այն, այլ նաև այն մարդը, որը կաշառել է և այն խանութները, որոնք թույլ են տվել վաճառել խնձորները՝ տեսնելով դրանց վրա ադրբեջաներեն գրառումները»,-ասաց Վարդան Հարությունյանը:
Դիտարկմանը, թե ինչպե՞ս ստացվեց, որ սահմանին ներկրվող «Իգլան» բացահայտվեց, իսկ խնձորները՝ ոչ, Վ. Հարությունյանն ասաց.
«Խնձորը չնկատվեց, որովհետև կաշառք են տվել»:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
