Ղազախական «ՍԿԱՏ» ավիաընկերության օդանավը կատարեց Աստանա-Երեւան առաջին ուղիղ չվերթը

Ղազախական «ՍԿԱՏ» ավիաընկերության Boeing-737 օդանավը մայիսի 31-ին կատարեց Աստանա-Երեւան առաջին ուղիղ չվերթը: Հայաստանում Ղազախստանի դեսպան Թիմուր Ուրազաևը շնորհավորեց բոլորին նախաձեռնության իրականացման կապակցությամբ եւ նշեց, որ հունիսի 9-ին Աստանայում բացվելու է «Աստանա էքսպո 2017-ը», եւ «ՍԿԱՏ» ավիաընկերությունը հիանալի հնարավորություն է ընձեռում Հայաստանի քաղաքացիներին ներկա գտնվելու այդ հետաքրքիր միջոցառմանը , որին ներկայացված է լինելու 115 պետություն: «ՍԿԱՏ»-ը ավիաընկերություն է, որը, չնայած դժվարություններին, կարողանում է մնալ շուկայում:

Քաղավիացիայի գլխավոր վարչության օդային փոխադրումների կարգավորման վարչության պետ Աննա Չոբանյանի խոսքով` «ՍԿԱՏ» ավիաընկերությունը հայկական շուկայում ամուր ոտքերի վրա է կանգնած: Այն երկար տարիներ մեր երկրում չվերթներ է իրականացնում: «Այս չվերթը շատ կարեւոր է ե՛ւ տուրիզմի, ե՛ւ տնտեսական կապերի, ե՛ւ մեր երկու երկրների ժողովուրդների ավելի մոտ գտնվելու տեսանկյունից: Ցանկանում եմ ավիաընկերությանը արդյունավետ եւ անվտանգ չվերթներ,-ասաց նա: