Իգնատի Առաքելյան. Ադրբեջանից չի արգելվում մթերք ներմուծել
Տնտեսություն
ԵԼՔ խմբակցության պատգամավոր Մանե Թանդիլյանը ՀՀ գյուղնախարար Իգնատի Առաքելյանից հետաքրքրվեց հայկական շուկայում պարբերաբար հայտնվող ադրբեջանական փաթեթավորման գյուղատնտեսական ապրանքների մասին՝ հարցնելով՝ արդյոք կա վիճակագարություն, թե 2016 թվականին ադրբաջանական ծագման քանի ապրանք է ներմուծվել Հայաստան և ինչպե՞ս են վերահսկվում դրանք, նախարարը պատասխանեց.
«ՀՀ-ն պետք է իր քաղաքականությունն ունենա, թե որ երկրից իրավունք ունի ներմուծել, որ երկրից՝ ոչ: Քանի դեռ այդ քաղաքականությունը հստակեցված չէ, ապա օրենքի սահմաններում այդ երկրներից կարող են մթերքներ ներմուծվել», - ասաց նախարարը՝ ավելացնելով, որ կարևորը, որ դա օրինական լինի:
Առաքելյանն ընդգծեց՝ տվյալների մասին տեղեկություն չունի:
Թեև Թանդիլյանը նշեց, որ ինքը չստացավ իր հարցի պատասխանը՝ նշելով, որ ստացվում է հասարակությունն օգտվում է ադրբեջանական ծագում ունեցող ապրանքներից, նախարարը նկատեց. «Ըստ մամուլի՝ այդպես է ստացվում»:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
