Խոսրովի արգելոցում ծխացող օջախները նվազում են. ԱԻՆ

Օգոստոսի 29-ին, ժամը 11:30-ի դրությամբ «Խոսրովի անտառ» պետական արգելոց ՊՈԱԿ-ի տարածքում հետհանգեցման աշխատանքները շարունակվում են: «Կուժ կարասի» տարածքում հայտնաբերվել է ծխացող ևս 1 օջախ (ընդհանուր 6 օջախ)

Աշխատանքներին մասնակցում են 27 փրկարար, արգելոցի 14 աշխատակից: 

Ժամը 09:42-ի դրությամբ հայտնաբերված է ծխացող 5 օջախ: Աշխատանքներում ներգրավված է նաև ДТ-75 տրակտոր: 

Կտրվի լրացուցիչ տեղեկություն:

***

Օգոստոսի 29-ին, ժամը 09:03-ին տեղեկություն է ստացվել, որ Խոսրովի պետական արգելոցում աշխատանքներն իրականացվել են 4 տեղամասերում («Կուժ Կարասի» կոչվող տարածք), որից 3 տեղամասերում հայտնաբերվել է հրդեհի 13 ծխացող օջախ, մեկը՝ բռնկումով (մոտ 200 քմ տարածքում):

Աշխատանքներին մասնակցել են 33 փրկարար,  արգելոցի 9 աշխատակից և ոստիկանության Արարատի բաժնից 5 ոստիկան:

Դեպքի վայրում են գտնվել ՀՀ ԱԻ նախարար Դ. Տոնոյանը, ՓՈՒՎ պետ փ/ծ գնդապետ Եմիշյանը, ՃԿՊԱ փրկարարական ֆակուլտետի դեկան փ/ծ գնդապետ Հովակիմյանը, ՀՆՓԱԻ կենտրոնի պետ փ/ծ գնդապետ Գալստյանը, Հայ-ռուսական հումանիտար արձագանքման կենտրոնի համատնօրեն փ/ծ գնդապետ Պ. Գյոզալյանը, Արարատի ՄՓՎ պետ փ/ծ գնդապետ Մ.Մարգարյանը: