Նախարար Կարայանը օտարերկրյա ընկերության հետ քննարկել է Հայաստանի ճանաչելիության բարձրացման ուղիները

ՀՀ տնտեսական զարգացման և ներդրումների նախարար Սուրեն Կարայանը դեկտեմբերի 5-ին  ընդունել է M&C SAATCHI մարքեթինգային ընկերության տնօրեն Անիլ Դեդիին։ Վերջինս Հայաստան է ժամանել Հայաստանի զբոսաշրջության զարգացման հիմանդրամի և  ՀՀ տնտեսական զարգացման  և ներդրումների նախարարության Զբոսաշրջության պետական կոմիտեի հրավերով։

Ինչպես ԼՈՒՐԵՐ.com-ին տեղեկացրին ՀՀ տնտեսական զարգացման և ներդրումների նախարարության տեղեկատվության և հասարակայնության հետ կապերի բաժնից, Սուրեն Կարայանը հանդիպման ընթացքում Անիլ Դեդիի հետ քննարկել է Հայաստանի ճանաչելիության բարձրացման ուղիները, ծագող խնդիրները, դրանց լուծման եղանակները և ընդհանուր սկզբունքները։

Անիլ Դեդին կիսվել է այս ոլորտում իր ղեկավարած կազմակերպության ունեցած հարուստ փորձով։

Հանդիպման ավարտին պայմանավորվածություն է ձեռք բերվել շարունակել համագործակցությունը Հայաստանի զբոսաշրջության պատասխանատու մարմինների հետ։

M&C SAATCHI ընկերությունը հայտնի կրեատիվ մարքեթիգային ընկերություն է, որըհամագործակցել է աշխարհի մի շարք երկրների հետ՝ նրանց ճանաչելիությունըբարձրացնելու ուղղությամբ։ Ընկերության գործունեության ուղղություններից է երկրներիճանաչելիության բարձրացումը, տնտեսական աճի խթանումը և,  համապատասխանաբար, զբոսաշրջային այցելությունների թվի աճը։