Բնապահպանության նախարարությունը Դեբեդ եւ Շնող գետերում աղտոտում չի հայտնաբերել
Տնտեսություն
Ազգային ժողովում Կառավարության հետ հերթական հարցուպատասխանի ժամանակ «Ելք» խմբակցության պատգամավոր Մանե Թանդիլյանը բարձրացրեց Թեղուտի պոչամբարի թունավոր ջրերի՝ Դեբեդ եւ Շնող գետեր լցվելու հարցը: Նա, մասնավորապես, հարցրեց՝ արդյո՞ք կա գնահատական, թե ինչպիսի վնաս է հասցվել բնությանը, ինչ միջոցներով է դա փոխհատուցվելու եւ ինչպես են դրանց հետեւանքները վերացվելու:
ՀՀ բնապահպանության նախարար Արծվիկ Մինասյանը նշեց, որ նախարարության բնապահպանության եւ ընդերքի տեսչական մարմինը իրականացրել է նմուշառման գործողություններ եւ չի հայտնաբերել սահմանային նորմաներից ավելի աղտոտում:
«Նախարարության համապատասխան տեսչական մարմինը իրականացրել է փորձանմուշ վերցնելու գործընթացը, եւ չի հայտնաբերվել սահմանային նորմաներից ավելի աղտոտում կամ առհասարակ աղտոտում»,-ասաց նախարարը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
