Բեռները հայ-իրանական եւ հայ-վրացական սահմանային անցակետերով կանցնեն առանց լրացուցիչ մաքսային հսկողության
Տնտեսություն
Հայաստանի, Իրանի եւ Վրաստանի մաքսային մարմինները ստեղծվող նոր հարթակի միջոցով տվյալներ կփոխանակեն: Լրագրողների հետ հանդիպմանն այս մասին ասաց ՊԵԿ նախագահի տեղակալ Արմեն Սաքապետոյանը:
Նրա խոսքով` նախատեսվում է ստեղծել ծրագրային մեկ հարթակ, որը կապահովվի մաքսային ձեւակերպումների համար անհրաժեշտ տվյալների էլեկտրոնային փոխանակում հայ-իրանական եւ հայ-վրացական սահմանային անցակետերում: «Այն ապրանքները կամ բեռները, որոնք, օրինակ, Պարսից ծոցից պետք է տեղափոխվեն դեպի վրացական նավահանգիստներ, այլեւս բոլոր անցակետերում մաքսային հսկողություն չեն անցնի»,-ասաց նա՝ հավելելով, որ փոփոխությունը վերաբերում է ոչ ռիսկային ապրանքներին:
«Տրանզիտ բեռնափոխադրումների ժամանակ տնտեսավարող սուբյեկտները կարող են օգտվել այս հարթակից եւ բեռների տեղափոխումն իրականացնել առանց լրացուցիչ մաքսային հսկողության»,-ասաց Սաքապետոյանը:
Ծրագիրն իրականացվում է ՄԱԿ-ի «Օժանդակություն Հայաստանում միգրացիոն եւ սահմանային կառավարման գործընթացներին» ծրագրի շրջանակներում:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
