Կառավարությունը հողամասեր է հատկացնում սպանդանոցներ հիմնելու նպատակով

Գործադիրն ընդունել է Կոտայքի մարզի Հրազդան, Գեղարքունիքի մարզի Վաղաշեն, Շիրակի մարզի Աշոցք, Արագածոտնի մարզի Թալին, Սյունիքի մարզի Սիսիան համայնքների վարչական տարածքներում գտնվող համայնքային սեփականություն հանդիսացող հողամասերի նվիրատվությունը՝ համայնքների ավագանիների որոշումների հիման վրա:

Հանրապետությունում պարտադիր սպանդանոցային սպանդի անցնելու գործընթացի համար անհրաժեշտ են նոր սպանդանոցներ: «Հայաստանի փոքր և միջին ձեռնարկատիրության զարգացման ազգային կենտրոն» հիմնադրամի «Աջակցություն սկսնակ ձեռներեցներին» ծրագրի հատուկ դասընթացի արդյունքում հավանության արժանացած գործարար ծրագրերի շահառուներին անհատույց օգտագործման իրավունքով հանձնվում են համապատասխան տարածքներ՝ բացառապես որպես սպանդանոցներ շահագործելու պայմանով»,- նշել է ՀՀ գյուղատնտեսության նախարարի պաշտոնակատար Իգնատի Առաքելյանը: