«Չղջիկները» խանգարում են Հայաստանում խոշոր հարկատուի գործունեությանը

Հայաստանում Սոթքի հանքը և Արարատի ոսկու վերամշական ֆաբրիկան շահագործող «ԳեոՊրոՄայնինգ գոլդ» ընկերությունը հերքում է լուրը այն մասին, որ  ձեռնարկության աշխատողները գործադուլ են հայտարարել։

Այդպիսի ենթադրության պատճառը հանդիսացել է այն,  որ ոսկու հանքաքարի անօրինական արդյունահանողները՝ այսպես կոչված՝ «չղջիկները», հերթական անգամ, ընկերության կոլեկտիվի վրա ճնշում գործադրելու ճանապարհով, փորձել են իրականացնել իրենց անօրինությունները: Մասնավորապես՝ մայիսի 17-18-ը «չղջիկները» փակեցին դեպի հանք տանող ճանապարհը, կաթվածահար արեցին ամբողջ պրոցեսը՝ իրենց գործողությունները մոտիվացնելով քաղաքական նախադրյալներով, իբրև թե՝ հանդիսանում են քաղաքացիական անհնազանդության շարժման մասնակիցներ և պայքարում են իրենց «իրավունքների» համար։ Անօրինական ոսկի արդյունահանողները պահանջում էին Սոթքի հանքի ղեկավարության հրաժարականը, որը խոչընդոտում է իրենց անօրինական արարքները՝ հանքի տարածքում։  

«ԳեոՊրոՄայնինգ գոլդ» ընկերությունը հերթական անգամ հիշեցնում է, որ «չղջիկների» անօրինական գործողությունները սահմանափակում են  ոչ միայն քաղաքացիների աշխատանքի իրավունքը, այլև խաթարում են  արտադրական կարգուկանոնը, որը, ընկերությանը կորուստներ պատճառելուց բացի, հղի է նաև ՀՀ պետական բյուջե վճարվող հարկերի, ինչպես նաև սոցիալական պատասխանատվության ծրագրերի  կրճատման հետևանքներով։

Ընկերությունն ամենայն պատասխանատվությամբ հայտարարում է, որ անօրինական գործողությունները կհանգեցնեն այն բանին, որ արտադրությունն ամբողջությամբ կանգ կառնի (այդ թվում նաև Արարատի ֆաբրիկայի աշխատանքը), մասնակիորեն կաթվածահար անելով նաեւ Հարավ-Կովկասյան երկաթուղու աշխատանքը։