Կիևում լրագրողի սպանության համար Ուկրաինայի վարչապետը Ռուսաստանին է մեղադրել
Ռուսաստան
Segodnya.ua-ն հայտնում է, որ Ուկրաինայի վարչապետ Վլադիմիր Գրոյսմանը Ռուսաստանին է մեղադրել Կիևում լրագրող Արկադի Բաբչենկոյի սպանության համար։
Գրոյսմանը Facebook-ի իր էջում գրում է. «Վստահ եմ, որ ռուսական տոտալիտար մեքենան չի ներել նրան նրա ազնվությունն ու սկզբունքայնությունը»։
Նա նաև Բաբչենկոյին անվանել է «Ուկրաինայի իսկական ընկեր» և հավելել է, որ լրագրողն «աշխարհին ճշմարտությունն էր պատմում ռուսական ագրեսիայի մասին»:
Այն մասին, որ Բաբչենկոյի սպանության հետևում կարող էր կանգնած լինել Կրեմլը, հայտարարել է նաև Ուկրաինայի արտգործնախարար Պավել Կլիմկինը: Նա հիշեցրել է, որ Բաբչենկոն ստիպված էր հեռանալ Ռուսաստանից՝ ստացած սպառնալիքների պատճառով:
«Նա շարունակում էր պայքարել ժողովրդավարական Ռուսաստանի, Ուկրաինայի համար և, իհարկե, Մոսկվան նրան դիտարկում էր որպես թշնամի»,- հավելել է ուկրաինական գերատեսչության ղեկավարը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
