Ռուս պաշտոնյայի ասուլիսի Արցախյան հիմնախնդրին վերաբերող հատվածը տեսանյութից հանվել է (տեսանյութ)
ՌուսաստանՌուսաստանի Դաշնության արտաքին գործերի նախարարության տեղեկատվության և տպագրության դեպարտամենտի նախագահի տեղակալ Արտյոմ Կոժինի՝ Ղարաբաղյան հակամարտության կարգավորման բանակցություններին Արցախի մասնակցության վերաբերյալ երեկվա հայտարարությունը մեծ աղմուկ է բարձրացրել, ինչից հետո ՌԴ ԱԳՆ կայքում նրա ասուլիսի այդ հատվածը ստիպված են եղել հանել։
Կոժինը ասուլիսի ժամանակ պատասխանել է ադրբեջանցի լրագրողի սադրիչ ձևակերպումներին՝ ԼՂ հակամարտության կարգավորման բանակցություններին Արցախի մասնակցության անհրաժեշտության մասին ՀՀ վարչապետ Նիկոլ Փաշինյանի հայտարարությունների վերաբերյալ:
Ադրբեջանցի լրագրողն իր հարցում օգտագործել է «Ադրբեջանի օկուպացված տարածքներ» արտահայտությունը, իսկ Արցախի իշխանություններին անվանել «անօրինական ռեժիմ»։
Պատասխանելով հարցին Կոժինն ասել է. «Բարձրագոչ հայտարարությունները, որոնք չեն տեղավորվում ԵԱՀԿ-ի ամրագրած ռելսերի մեջ, հավանաբար, ոչ կառուցողական են»: Արտահայտությունն ադրբեջանական լրատվամիջոցներին առիթ է տվել ասածը վերագրելու հայկական կողմի հայտարարություններին։
Սակայն ժամեր անց ՌԴ ԱԳՆ կայքում ասուլիսի Արցախյան հիմնախնդրին վերաբերվող հատվածը սրբագրվել է, որում ներկայացվել է, որ ի պատասխան ադրբեջանցի լրագրողի հարցին Արտյոմ Կոժինն ասել է. «Ձեր բարձրագոչ հայտարարությունները, որոնք չեն տեղավորվում ԵԱՀԿ-ի ամրագրած ռելսերի մեջ, հավանաբար, ոչ կառուցողական են»: Այսպիսով՝ ՌԴ ԱԳՆ կայքում ներկայացվել է, որ պաշտոնյան իր խոսքն ուղղել է ադրբեջանցի լրագրողին։
Տեսանյութում հատվածը կարող եք լսել 49.45-ից րոպեից
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
