Հարկ վճարողների ծանուցման ձևը կփոխվի

Այսուհետ հարկ վճարողները կծանուցվեն նախապես տրամադրված էլէկտրոնային կայքի կամ azdarar.am կայքի միջոցով։

Այս մասին այսօր լրագրողների հետ զրույցում ասաց ՊԵԿ իրավաբանական վարչության պետ Արման Մնացականյանը։ «2018 թվականի հունիսի 21-ին ԱԺ-ն ընդունել է հարկային օրենսգրքում փոփոխություններ կատարելու մասին օրենք։ Ըստ այդ օրենքի՝ փոփոխություններ են կատարվել Ծանուցումների մասին օրենքում։

Եթե հարկ վճարողն ունի պարտավորություն, իրավաբանական վարչության կողմից առաջադրվում է հարկադիր տրանզիտ։ Այս հարկ վճարողները նախկինում ծանուցվել են Փոստային կամ առձեռն ճանապարհով։ Նշված աշխատանքներում խնդիրներ են առաջացել, հաճախ դեպքեր են ի հայտ եկել, որ անձը չի ծանուցվել և արդարացի դժգոհություն է առաջացրել։ Այժմ նման ծանուցումները հարկ վճարողները կստանան կամ նախապես տրամադրված էլ. փոստով կամ եթե կա էլ. փոստ, ապա կհրապարակվի azdarar.am կայքում»,-ասաց Ա. Մնացականյանը։ Նա նշեց, որ համակարգը պատրաստ է տեխնիկական հարցեր են կարգավորվում և առաջիկա 10 օրվա ընթացքում արդեն կգործարկվի։