ՌԴ գլխավոր դատախազ Սահակ Կարապետյանին տեղափոխող ուղղաթիռի օդաչուին մինչև վթարը սպանել են

Ինչպես արդեն տեղեկացրել ենք Ռուսաստանի Կոստրոմայի մարզում AS-350 ուղղաթիռի կործանման հետեւանքով, նախնական տվյալներով՝ զոհվել Է Ռուսաստանի գլխավոր դատախազի տեղակալ Սահակ Կարապետյանը։

Տեղեկությունն էր կան, որ կործանված ուղղաթիռի օդաչուն,ամենայն հավանականությամբ վթարից առաջ հրացանով մեջքից սպանվել։ Այս մասին տեղեկացնում է ««Говорит Москва»-ն՝ վկայակոչելով ուժային կառույցներում իր աղբյուրին։

Ինչպես հաղորդվել էր նախնական տվյալներով, վթարը կարող էր տեղի ունենալ մթի մեջ օդաչուի կողմից կողմնորոշումը կորցնելու պատճառով։ Միաժամանակ նշվում էր, որ ղեկի մոտ եղած Ստանիսլավ Միխնովը փորձառու օդաչու էր։

Ուղղաթիռը վթարի էր ենթարկվել Վոնիշեւո գյուղի մոտակայքում, ինչի հետեւանքով զոհվել էր չորս մարդ, այդ թվում՝ ՌԴ գլխավոր դատախազի տեղակալ Սահակ Կարապետյանը և տեղի բնակիչ Արեգ Հարությունյանը։

Քննչական կոմիտեում պարզել են, որը ուղղաթիռի թռիչքը թույլատրված չի եղել։ Վթարի փաստով հարուցվել է քրեական գործ։

Ըստ Telegram-ի տվյալների՝ երթուղին պետք է ավարտվեր Սպասկոե գյուղում, սակայն նախօրեին օդաչուն վայրէջք է կատարել Դյակոնովո գյուղում՝ անբարենպաստ եղանակի պատճառով։

Նշենք, որ ողբերգական մահվան կապակցությամբ ՀՀ գլխավոր դատախազ Արթուր Դավթյանը ցավակցական հեռագիր է հղել ՌԴ գլխավոր դատախազ Յուրի Չայկային: Նա կմեկնի ՌԴ՝ մասնակցելու Սահակ Կարապետյանի հուղարկավորությանը: