Կերչի քոլեջում տեղի ունեցած պայթյունը կարող է ահաբեկչություն լինել. Պեսկով

Ինչպես արդեն տեղեկացրել ենք, Ղրիմի Կերչ քաղաքի պոլիտեխնիկական քոլեջում պայթյուն է որոտացել. զոհվել է 10 մարդ, ևս 50-ը վիրավորվել է:

ՌԴ նախագահի մամուլի խոսնակ Դմիտրի Պեսկովն ասել է, որ որպես պայթյունի պատճառ դիտարկվում է ահաբեկչությունը. հայտնում է РИА Новости-ն:

Նա նաև ասել է, որ ՌԴ նախագահին տեղեկացրել են կատարվածի մասին:

Հավելենք, որ ՌԴ ՔԿ պաշտոնական ներկայացուցիչ Սվետլանա Պետրենկոն նույնպես հայտնել է, որ քոլեջի ճաշարանում գործի է դրվել պայթուցիկ սարք: