Կոչ ենք անում չքաղաքանացնել այս թեման․ ՌԴ դեսպանատունը՝ Գյումրիի սպանության մասին
Ռուսաստան
ՌԴ դեսպանատան մամուլի ծառայությունը մեկնաբանություն է տարածել Գյումրիում տեղի ունեցած ողբերգական միջադեպի վերաբերյալ։ Հայտարարության մեջ ասվում է․
«Ուշադրություն ենք դարձրել Գյումրիում տեղի ունեցած ողբերգական միջադեպի վերաբերյալ հուզիչ մեկնաբանությունների չդադարող հոսքին: Կրկին կոչ ենք անում չքաղաքանացնել այս թեման, չանել հապճեպ եզրակացություններ և չխանգարել հայկական քննչական մարմիններին՝ կատարելու իրենց գործը:
Ցանկանում ենք նաև ցավակցություն հայտնել տուժածի հարազատներին և մտերիմներին,-ասված է հայտարարության մեջ:
Հիշեցնենք, որ ավելի վաղ Հայաստանում Ռուսաստանի դեսպանությունը հերքել էր ռուսական ռազմաբազայի զինծառայողի առնչությունը դեպքին։
102-րդ ռազմաբազայի զինծառայողը ձերբակալվել է դեկտեմբերի 10-ին Գյումրիում: Նա կասկածվում է 57-ամյա Ջուլիետա Ղազարյանին անզգուշությամբ մահ պատճառելու մեջ։ Ղազարյանը մահացել է դեկտեմբերի 2-ին Գյումրիում դաժան ծեծի հետևանքով: Դեպքի առթիվ հարուցվել է քրեական գործ Քրեական օրենսգրքի 112 հոդվածի 2-րդ մասի 14-րդ կետի հատկանիշներով՝ դիտավորությամբ առողջությանը ծանր վնասվածք պատճառելը, որն անզգուշությամբ առաջացրել է տուժողի մահը:
ՈՒՂԻՂ ԵԹԵՐ
Ամենադիտված 
«Շանգրիլայի» լիցենզիան կչեղարկվի. Գագիկ Ծառուկյանին ունեզրկման գործընթաց է սկսել
