Սոթքի հանքից ոսկու հանքաքարը Արարատի ոսկու կորզման ֆաբրիկա կփոխադրվի. պայմանագիր է կնքվել

«ԳեոՊրոՄայնինգ գոլդ» ՍՊ ընկերության գլխավոր տնօրեն Ա․Վ․Գոգոտինը և «Հարավ-կովկասյան երկաթուղի» ՓԲ ընկերության գլխավոր տնօրեն Ս․Գ․Վալկոն 2018թ․ դեկտեմբերի 14-ին կնքեցին պայմանագիր 2019 թվականին Սոթքի հանքից ոսկու հանքաքարը Արարատի ոսկու կորզման ֆաբրիկա փոխադրելու վերաբերյալ։

Պայմանագրի համաձայն 2019 թվականին Սոթք - Արարատ 269 կիլոմետր երկարությամբ երկաթուղով հանքաքարի փոխադրման ծավալը կկազմի 1 500 000 տոննա, որը 2018 թվականի ցուցանիշի համեմատությամբ 10%-ով ավելի է։ 2017 թվականին այդ ուղղությամբ հանքաքարի փոխադրման ծավալը կազմում էր 1,18մլն․տոննա։

«Հարավ-կովկասյան երկաթուղի» ՓԲ ընկերության գլխավոր տնօրեն Ս․Վալկոյի նշեց, որ «ԳեոՊրոՄայնինգ գոլդ» ՍՊ ընկերության համար իրականացվող փոխադրումները կազմում են երկաթուղու ներհանրապետական ապրանքաշրջանառության առյուծի բաժինը, որի կապակցությամբ երկու ընկերություններն արդեն առաջին տարին չէ, որ արյունավետ համագործակցում են։ Արարատի ֆաբրիկա հանքաքարի անխափան փոխադրումն ապահովելու համար «Հարավ-կովկասյան երկաթուղին» հատուկ ուշադրություն է հատկացնում տվյալ երկաթուղային ուղու զարգացման հարցերին։ Դա մեզ հնարավորություն է տալիս զգալի միջոցներ ներդնել ինչպես երկաթուղային ուղու, այնպես էլ շարժակազմի նորացման համար Հրազդան, Սևան, Շորժա և Սոթք ուղղությամբ։ Մենք բավարարված ենք «ԳեոՊրոՄայնինգ գոլդ» ընկերության կայուն գործունեությամբ և ապրանքահոսքի ծավալների աճով տվյալ ուղղությամբ»։ 

«ԳեոՊրոՄայնինգ գոլդ» ՍՊ ընկերության տնօրեն Ա․Գոգոտինն ավելացրեց, «Ուրախ եմ նշել, որ երկու ընկերությունների միջև համագործակցությունը հաջողությամբ զարգանում են։ Լինելով Հայաստանում երկու խոշոր հարկատուներ, «ԳեոՊրոՄայնինգ գոլդ» և «Հարավ-կովկասյան երկաթուղի» ընկերությունները ակտիվորեն զարգացնում են փոխշահավետ համագործակցությունը, տարեց-տարի գրանցելով ՀՀ պետական բյուջե վճարումների կայուն աճ, միասին ապահովելով ավելի քան 4000 աշխատատեղ։ Վստահ եմ, որ գալիք 2019 թվականին նույնպես մեր փոխհամագործակցությունը կշարունակվի, առանց որի մեր ընկերությունների հաջող գործունեությունը դժվար է պատկերացնել»։ 

2018 թվականի առաջին կիսամյակի տվյալներով «ԳեոՊրոՄայնինգ գոլդ» ընկերությունը ՀՀ պետական բյուջե է վճարել 8,871 մլրդ դրամ, գրավելով 4-րդ տեղը հանրապետության խոշոր հարկ վճարողների ցանկում (8,163 մլրդ 2017 թվականի նույն ժամանակահատվածի համար)։ Նշենք նաև, որ «Հարավ-կովկասյան երկաթուղի» ընկերությունը նույն ժամանակահատվածի համար ՀՀ պետական բյուջե է վճարել 1,963 մլրդ․դրամ, Հայաստանի խոշոր հարկ վճարողների ռեյտինգում գրավելով  39 -րդ հորիզոնականը (1,887 մլրդ․դրամ  2017թ․առաջին կիսամյակի համար)։

___________________________