Ուֆայում 49-ամյա հայազգի տղամարդը խաբեությամբ համոզել է աղջկան իր համար միլիոնավոր վարկեր վերցնել

Ուֆայում 49-ամյա հայ տղամարդը սոցցանցերում աղջկա հետ է ծանոթացել և իրեն ներկայացրել՝ որպես հարուստ գործարար։ Տղամարդու նպատակը մեկն էր խարդախությամբ աղջկանից կորզել 1․7 մլն ռուբլի։ Կերպարի մեջ մտնելու համար խարդախն իր ընտրյալին հրավիրել է թանկարժեք ռեստորաններ և ձևաց րել, թե իբր իրեն անընդհատ զանգահարում են ազդեցիկ մարդիկ: Այս մասին գրում է Proufu-ն:  

Մի քանի հանդիպումից հետո նա աղջկան ասել է, որ իր գրասենյակում խուզարկություններ են ընթանում, և իր հաշիվների վրա կալանք է դրվել։ Աղջիկը վախեցել է իր սիրեցյալի համար և տասնյակ վարկեր վերցրել իր անունով: Նա կարողացել է հավաքել 1,7 մլն ռուբլի, որը նա փոխանցել է «հաջողակ գործարարին»: Տղամարդն իբր այդ  փողը որպես կաշառք էր տալու՝ փրկելու համար իր բիզնեսը:

Խոշոր գումարը ստանալուց հետո խարդախը ձայնային ուղերձ է հղել աղջկան, որտեղ նա պատմել է, որ բիզնեսի հետ կապված խնդիրների պատճառով ինքնասպան է եղել: Նման փոփոխությունը տարօրինակ է թվացել աղջկան, քանի որ նա արդեն գումար էր ստացել և կարող էր փրկել իր բիզնեսը: Դրանից հետո աղջիկը գնացել է ոստիկանություն:

Դատարանը խարդախին դատապարտեց չորսուկես տարվա ազատազրկման: Դատարանը նաև պարտավորեցրել է նրան վճարել տուժած աղջկա ամբողջ գումարը: