ՊԵԿ պարգևավճարների ֆոնդը կրճատվել է 50%-ով․ Նիկոլ Փաշինյան
Տնտեսություն
ՀՀ պետական եկամուտների կոմիտեի պարգևավճարների ֆոնդը 2019թ. բյուջեում կրճատվել է 50%-ով: Այս մասին հունվարի 30-ին լրագրողների հետ զրույցում ասաց ՀՀ վարչապետ Նիկոլ Փաշինյանը:
«Ես ուզում եմ տեղյակ լինեք, որ մենք այդ խնդիրը ֆիքսել ենք, և 2019թ. համար ՊԵԿ-ի պարգևավճարների ֆոնդը ուղիղ կեսով կրճատվել է: Մենք փոխարենը բոլոր գերատեսչությունների համար հավասար 30%-ի պարգևատրման ֆոնդ ենք սահմանել: Ես հույս ունեմ, որ այս գործընթացը մինչև վերջին անկյունը կբացվի և կունենաք քննարկում, թե ինչպես ենք վարվում այս իրավիճակի հետ»,- ասաց վարչապետը:
Նիկոլ Փաշինյանի խոսքով` Պետական եկամուտների կոմիտեի և այլ պետական կառույցների պարգևավճարների հրապարակումները լուրջ քննարկման կդրվեն:
«Սա շատ լուրջ ճեղքում է՝ այս ողջ քննարկումը, բողոքները, բացատրությունները կառավարության գործունեության և պետական համակարգի թափանցիկության առումով: Կա խնդիր, որը արձանագրվել է, և այդ խնդիրը դարձյալ պետք է հանրայնորեն քննարկենք, հասկանանք իր խորության մեջ, և գանք համաձայնության, թե ինչպես պետք է այդ խնդիրը լուծվի»,- նշեց Փաշինյանը:
ՀՀ վարչապետն անդրադառնալով մարզպետների աշխատավարձերին ու պարգևավճարներին նշեց, որ այսօր մարզպետների 90 և ավելի տոկոսի համար իրենց աշխատավարձերը կարևոր են:
ՈՒՂԻՂ ԵԹԵՐ
Ամենադիտված 
Վենսը Բաքվում կատակել է Մեհրիբան Ալիևայի մասին
