Միրզոյանը ՀՀ ԱԺ առաջին խոսնակն է, որ ելույթ կունենա Ռուսաստանի Դաշնային խորհրդում

Հայաստանի Ազգային ժողովի նախագահ Արարատ Միրզոյանն այսօր Մոսկվայում հանդիպել է Ռուսաստանի Դաշնային խորհրդի նախագահ Վալենտինա Մատվիենկոյի հետ ու քննարկել հայ-ռուսական հարաբերությունները։ Մատվիենկոն խորհրդանշական է համարել այն, որ ԱԺ նախագահի պաշտոնում Միրզոյանն առաջինը այցելել է Ռուսաստան։

Նախատեսված է, որ փետրվարի 27-ին ՀՀ ԱԺ նախագահը ելույթ է ունենալու ՌԴ ԴԽ նիստի ժամանակ, և այսօրվա քննարկման ընթացքում շեշտվել է, որ նա Հայաստանի խորհրդարանի առաջին ղեկավարն է, որ այդպիսի ելույթ է ունենալու։