Հայաստանի գլխավոր հյուպատոսությունն օգնություն է ցույց տալիս Ստավրոպոլում ՃՏՊ-ից տուժած քաղաքացիներին

Դոնի Ռոստովում Հայաստանի գլխավոր հյուպատոսությունը մշտական կապի մեջ է Ստավրոպոլի իրավապահ մարմինների հետ: Այս մասին հայտնեց Հայաստանի ԱԳՆ մամուլի քարտուղար Աննա Նաղդալյանը:

«Դոնի Ռոստովում Հայաստանի գլխավոր հյուպատոսությունը մշտական կապի մեջ է Ստավրոպոլի իրավապահ մարմինների, հիվանդանոցի ղեկավարության, հայ համայնքի հետ: Տուժածներին անհրաժեշտ օգնություն է ցուցաբերվում»,- նշեց Աննա Նաղդալյանը: 

«ՌԻԱ Նովոստի»-ի հաղորդմամբ՝ 6 մարդ է տուժել Ստավրոպոլում կողաշրջված միկրոավտոբուսում: «Կեսօրից հետո տեղեկություն է ստացվել այն մասին, որ Կոչուբեեւսկոյե գյուղից 10 կմ հեռավորությամբ ճանապարհային պատահար է տեղի ունեցել: Հայաստանից մասնավոր անձին պատկանող Mercedes միկրովատոբուսը կողաշրջվել է խրամառվի մեջ, փոխադրամիջոցում եղել է 6 մարդ՝ ներառյալ վարորդը, երեխաներ չկան: Նրանցից տուժել է 6 մարդ՝ 3 տղամարդ, 3 կին»,- նշված է ԱԻՆ հաղորդագրության մեջ:

Նշված է, որ տուժածներին տեղափոխում են Նեւիննոմիսկի հիվանդանոց: Հոսպտալացվել են ուղեւորներից 2 կին: Հստակեցվում են վնասվածքների ծանրության աստիճանը, տուժածների ստույգ թիվը եւ նրանց տվյալները: Ենթադրաբար, բոլոր տուժածները Հայաստանի Հանրապետության բնակիչներ են: Ճանապարհային երթեւեկության անվտանգության պետական տեսչության վարչության տեղեկություններով՝ վարորդը ուղեմասի ձախ գծից աջ է ուղղվել երթեւեկության վտանգավոր արագությամբ, հաշվի չի առել ճանապարհային իրադրությունը, ինչի հետեւանքով կորցրել է կառավարումը եւ ընկել խրամառվակի մեջ, որտեղ փոխադրամիջոցը կողաշրջվել է: