Պուտինը մարտի 8-ի նախօրեին ոստիկանության հեծյալ գնդի նժույգով անցել է ձիավարժարանով
Ռուսաստան
ՌԴ նախագահ Վլադիմիր Պուտինը այցելել է Մոսկվայի ՆԳՆ ՊՎ առաջին օպերատիվ գունդ եւ ձիով անցել ձիավարժարանով՝ հայտնում է Life.ru-ն։
Նախագահը գունդ է այցելել Մարտի 8-ի նախօրեին, հեծելազորային եւ զբոսաշրջային ոստիկանության աշխատակցուհիները ավելի վաղ նրան հրավիրել էին տեսնելու, թե ինչպես են իրենք իրականացնում ծառայությունը։
Պուտինը շնորհավորել է հեծյալ ոստիկանության աշխատակցուհիներին կանանց տոնի կապակցությամբ և որպես նվեր ջոկատին նվիրել է «Ոսկե շող» անունով ռուսական ցեղատեսակի նժույգ:
Ի պատասխան՝ հեծյալ գնդի աշխատակիցները երկրի ղեկավարին պայտ են նվիրել՝ որպես հաջողության խորհրդանիշ։
ՌԴ նախագահը դրական է գնահատել կանանց դերը երկրի իրավապահ մարմիններում և կատակով ասել է, որ իգական սեռի ներկայացուցիչներին լավ կազմվածքը պահպանելու համար հարկավոր է մարզասարք, մերսող և երկրպագու: Ներկաների մոտ ծիծաղ առաջացնելով՝ Պուտինն ընդգծել է, որ հեծյալ ոստիկանությունը նշվածներից առաջին երկուսը կարող է ապահովել:
Հեծյալ ոստիկանության պարտականությունների մեջ է մտնում ցույցերի ժամանակ պահպանել կարգուկանոնը և հասարակական անվտանգությունը:
ՈՒՂԻՂ ԵԹԵՐ
Ամենադիտված 
«Շանգրիլայի» լիցենզիան կչեղարկվի. Գագիկ Ծառուկյանին ունեզրկման գործընթաց է սկսել
