Ադրբեջանցիներ տեղափոխող միկրոավտոբուսը կողաշրջվել է. կան տուժածներ

Վորոնեժի մարզում Մոսկվայից Ադրբեջան ուղևորվող մարդատար միկրոավտոբուս է կողաշրջվել: 

«Շաբաթ առավոտյան М-4 «Դոն» մայրուղու 593-րդ կիլոմետրում Mercedes-Benz Sprinter միկրոավտոբուսը, որը Մոսկվայից ուղեւորվում էր Ադրբեջան, դուրս է եկել ճանապարհի երթեւեկելի մասից դեպի աջ եւ շրջվել»,- տեղեկացնում է մամուլի ծառայությունը։

Գերատեսչության տվյալներով, ավտոբուսում Ադրբեջանի 12 քաղաքացիներ էին։ «Ճանապարհատրանսպորտային պատահարի հետեւանքով վարորդը եւ 6 ուղեւոր տարբեր ծանրության վնասվածքներ են ստացել»,- ասել են պետավտոտեսչությունում։