Մերձմոսկվայում կոշտ վայրէջք կատարած ինքնաթիռի հայ ուղևորը սելֆիներ է արել անձնակազմի հետ

Մերձմոսկվայում կոշտ վայրէջք կատարած ինքնաթիռի ուղևորները բարեհաջող վայրէջքից հետո սելֆիներ են արել անձնակազմի հետ: Այդ մասին վկայում են այն լուսանկարներն ու տեսանյութերը, որոնք ՌԻԱ Նովոստիին տրամադրել է այդ չվերթի ուղևոր Ստեփան Հակոբյանը: Հակոբյանը հասցրել է ինքնաթիռից տարհանվելուց հետո սելֆիներ անել բորտուղեկցորդների հետ, ինչպես նաև տեսագրել է վայրէջքից հետո տեղի ունեցածը:

«Ուրալյան ավիագծեր» ավիաընկերության A321 ինքնաթիռն օգոստոսի 15-ին կատարում էր թիվ 178 չվերթը Ժուկովսկի – Սիմֆերոպոլ երթուղով: «Ռոսավիացիայի» տվյալներով՝ օդանավում եղել են 226 ուղևոր և անձնակազմի յոթ անդամ: Վերթիռի ժամանակ՝ թռիչքավայրէջքային գոտուց պոկվելուց հետո, ինքնաթիռը բախվել է որորների երամի, որոնց հայտնվելը շարժիչներում զգալի խանգարումների է հանգեցրել դրանց աշխատանքում: Հանրանավը կոշտ վայրէջք է կատարել Մոսկվայի մարզի Ռամենսկոե քաղաքի դաշտում: Ընդամենն արտակարգ պատահարից հետո բժշկական օգնության է դիմել 55 մարդ, տուժածների թվում կա 17 երեխա: ՌԴ-ի առողջապահության նախարարության տվյալներով՝ հոսպիտալացվել է 23 մարդ, այդ թվում 9 երեխա: