Ինչպես է Վլադիմիր Պուտինն անցկացնում հանգստյան օրերը
Ռուսաստան
ՌԴ նախագահ Վլադիմիր Պուտինը լիովին ազատ հանգստյան օրեր գրեթե չի ունենում: Ինչպես փոխանցում է РБК-ն, այս մասին լրագրողներին հայտնել է ՌԴ նախագահի մամլո քարտուղար Դմիտրի Պեսկովը՝ պատասխանելով հարցին, թե ինչով է Պուտինը զբաղվում ազատ օրերին:
«Դուք գիտեք, որ նախագահը լիակատար հանգստյան օրեր չունի, քանի որ զեկույցներ են գալիս գերատեսչություններից, հարցեր են առաջանում, որոնք նախագահի որոշումների կարիքն ունեն, փաստաթղթաշրջանառությունը նույնպես չի դադարում»,- մեկնաբանել է Կրեմլի ներկայացուցիչը:
Պեսկովի խոսքով՝ երբ հնարավորություն է ստեղծվում, նախագահը հանգստանում է և սպորտով է զբաղվում: «Գիտեք, նա դա կանոնավոր կերպով է անում: Հանդիպում է հարազատների և մտերիմների հետ»,- հավելել է մամլո խոսնակը:
Անցյալ տարվա օգոստոսին Պուտինը երկու օր անցկացրել էր բնության գրկում Տուվայում: «Քայլել է լեռներով, զմայլվել բնապատկերներով»,- այն ժամանակ հայտնել էր Պեսկովը: ՌԴ ղեկավարին անցյալ տարի հանգստավայրում ուղեկցել էին պաշտպանության նախարար Սերգեյ Շոյգուն և Անվտանգության դաշնային ծառայության տնօրեն Ալեքսանդր Բորտնիկովը:
ՈՒՂԻՂ ԵԹԵՐ
Ամենադիտված 
«Շանգրիլայի» լիցենզիան կչեղարկվի. Գագիկ Ծառուկյանին ունեզրկման գործընթաց է սկսել
