Հայկական անուններով մի շարք վարորդներ դասվում են Ռուսաստանի «ամենավտանգավորների» շարքին

AlfaStrakhovanie-ն ուսումնասիրել է ապահովագրական դեպքերը իր հաճախորդների հետ՝ նշելով այն մարդկանց անունները, ովքեր ավելի հաճախ, քան մյուսները, պատասխանատու են Ռուսաստանում ճանապարհատրանսպորտային պատահարների համար: Պատահարների մեղավորների մեջ ամենատարածված անուններից եղել են հայ տղամարդկանց անունները:

«Ահա այս անուններով վարորդներն են ամենից հաճախ դառնում դժբախտ պատահարների մեղավորները՝ Դանիելը, Դավիթը, Կարենը, Արմենը և Նիկիտան: Հաճախ են նաև Դանիլ, Թիմուր, Սեմյոն, Գլեբ և Կիրիլ անուններով վարորդները», - ասված է ընկերության մամուլի ծառայության հաղորդագրության մեջ:

Կանանց շրջանում դժբախտ պատահարների համար ամենից հաճախ պատասխանատու են Կարինա, Անգելինա, Վալերիա, Դարիա և Քրիստինա անուններով վարորդները:

Վերլուծաբանների կարծիքով՝ պատահարների մեղավորները հիմնականում 18-19 տարեկան երիտասարդ վարորդներն են: