Մոսկվայում սկսվել են Մեդվեդևի և Մեհրիբան Ալիևայի միջև բանակցությունները

Մոսկվայում սկսվել է Ռուսաստանի վարչապետ Դմիտրի Մեդվեդևի և Ադրբեջանի առաջին փոխնախագահ Մեհրիբան Ալիևայի հանդիպումը:

Ռուսաստանի կառավարության ղեկավարը բանակցությունների սկզբում ողջունեց Ադրբեջանից ժամանած հյուրերին, ապա նրանց ուշադրությունը հրավիրեց ծրագրի հագեցածության վրա:

«Այն լիարժեք է, հագեցած՝ դա նաեւ մեր ձեզ հետ բանակցություններն են եւ հանդիպումը Ռուսաստանի Դաշնության նախագահի հետ, որը վաղը կկայանա, միջտարածաշրջանային համաժողովը, ընդ որում՝ իսկական, մասշտաբային, մասնակցում է ռուսական շրջանների զգալի մասը, Ադրբեջանի  տաղավարի բացումը ԺՏՁՑ-ում նույնպես շատ լավ իրադարձություն է։ Այս ամենը լիովին արտացոլում է մեր երկրների միջև բարիդրացիության, գործընկերության, բարեկամության մակարդակը: Եվ ձեր այցը դրա ուղղակի դրսևորումն է»:

Մեդվեդևը հանդիպման ընթացքում առաջարկել է քննարկել Ռուսաստանի և Ադրբեջանի միջև փոխգործակցության արդի հիմնախնդիրները տնտեսության և այլ ոլորտներում: