Վլադիմիր Վիսոցկու որդին դիմել է իրավաբաններին՝ կապված ՀԴԲ գովազդում հոր լուսանկարի հրապարակման հետ
Ռուսաստան
Խորհրդային արտիստ Վլադիմիր Վիսոցկու որդին՝ Նիկիտա Վիսոցկին RT-ի հետ զրույցում մեկնաբանել է ՀԴԲ գովազդում հոր լուսանկարների օգտագործումը: Նա հայտարարել է, որ այս հարցով մտադիր է դիմել իրավաբանների:
«Ինչ-որ բան, անկասկած պետք է արվի: Ես կխոսեմ իրավաբանների հետ (եւ արդեն ոմանց հետ խոսել եմ), թե՛ եղբորս հետ, թե՛ Մարինա Վլադիի ներկայացուցիչների: Դա արվել է առանց մեր համաձայնության եւ այս իմաստով ապօրինի է... Նրանք իրավունք չունեին օգտագործելու հորս կերպարը»,- ասել է Վիսոցկին:
Նա ասել է, որ ԱՄՆ-ում ՀԴԲ-ի հետ դատի մեջ մտնելը բավականին բարդ է եւ թանկ:
«Պետք է նայել, պետք է ամեն ինչ կշռադատել, արձագանքել, անկասկած, պետք է: Վիսոցկին չպետք է լինի ճանապարհին ընկած ինչ-որ բան: Նրա կերպարը կարեւոր է միլիոնավոր մարդկանց համար, ուստի անհրաժեշտ է արձագանքել»,- շեշտել է նա:
ՀԴԲ-ն ավելի վաղ Facebook-ի իր էջում ռուսերեն գովազդ էր տեղադրել՝ «Հանդիպման վայրը չի կարելի փոխել» հեռուստասերիալից կադրով, որում պատկերված է Վլադիմիր Վիսոցկին, եւ մակագրություն. «Հանդիպման վայրը չի կարելի փոխել: Մենք խոսելու բան ունենք: Մենք էլ ենք սիրում Վիսոցկուն»:
ՈՒՂԻՂ ԵԹԵՐ
Ամենադիտված 
Վենսը Բաքվում կատակել է Մեհրիբան Ալիևայի մասին
