ԱՄՆ-ում սկսել են թեստավորել կորոնավիրուսի դեմ պատվաստանյութը
Աշխարհ
ԱՄՆ-ն սկսել է նոր կորոնավիրուս COVID-19-ի պատվաստանյութի փորձարկումը մարդկանց վրա: Առաջինը պատվաստանյութը ներարկվել է 43-ամյա Ջենիֆեր Հալերը. այս մասին հաղորդում է Daily Mail պարբերականը: «Ես ինձ հիանալի եմ զգում»,- ասել է երկու երեխաների մայրը կորոնավիրուսի փորձարարական պատվաստանյութի ներակրումից անմիջապես հետո:
Սիեթլի Kaiser Permanente Washington հետազոտական ինստիտուտի գիտնականները հուզմունքով սպասում են COVID-19-ի պոտենցիալ պատվաստանյութի հետազոտության առաջին փուլի տվյալներին: Գիտնականների կարծիքով, սա կարևոր օր է, և այս ներարկումները փաստում են, որ դեղն անվտանգ է:
Հետազոտությանը մասնակցելու են նաև 45 կամավորներ: Բոլորը պետք է ստանան 2 ներարկում՝ շուրջ մեկ ամիս ընդմիջումով:
Հետազոտությամբ պետք է պարզվի, որ պատվաստանյութը մարդու համար անվտանգ է, եւ որ այն ներարկելուց հետո իմունային համակարգը պատշաճ կերպով կարձագանքի: Բժիշկ Էնթոնի Ֆաուչին նշել է, որ եթե ընթացիկ փորձարկումներն անգամ հաջողված լինեն, պատվաստանյութը դեռ 1 կամ 1,5 տարի անհասանելի կլինի լայն կիրառման համար:
Այսօր COVID-19-ի դեմ պատվաստանյութ են մշակում տասնյակ հետազոտական խմբեր, այդ թվում՝ բոստոնյան բիոտեխնոլոգիական Moderna Therapeutics ընկերությունը, որը հիմնադրել է հայտնի բիզնեսմեն Նուբար Աֆեյանը: Նախատեսվում է, որ ապրիլին փորձարկումները կսկսի Inovio Pharmaceuticals-ը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
