«Ես կոմպոտներ ու թեյեր կպատրաստեմ ու կսկսեմ դրանք անընդմեջ խմել»․ Կոմարովսկին՝ կորոնավիրուսի ախտանշանների դեպքում իր գործողությունների մասին․ Ռիա Նովոստի

Բժիշկ, հեռուստահաղորդավար Եվգենի Կոմարովսկին YouTube֊ի իր ալիքում խոսել է իր գործողությունների մասին, եթե կորոնավիրուսային վարակի ախտանշաններ ունենա:

Նա նշել է, որ անհապաղ զանգահարելու է իր հետ նախկինում շփում ունեցած աշխատակիցներին և զգուշացնելու է, որ հիվանդ է: Ոչ ոք իր տուն չի գնա, և իր կինը չի հեռանա տնից:

«Ես կոմպոտներ ու թեյեր կպատրաստեմ ու կխմեմ, կխմեմ, կխմեմ և կխմեմ»,-բացատրել է Կոմարովսկին:

«Ես նաև շատ մրգեր կօգտագործեմ։ Եթե կոկորդիս մեջ ցավ զգամ, համապատասխան դեղահաբեր կօգտագործեմ, իսկ բարձր ջերմության դեպքում՝ պարացետամոլ: Նաև պետք է համոզվել, որ սենյակում ջերմաստիճանը 20 աստիճանից բարձր չէ, և սենյակում բավարար խոնավություն կա: Ես ուրիշ ոչինչ չեմ անի», - ասել է Կոմարովսկին: Նա հայտնել է նաև, որ չի պատրաստվում հակավիրուսային դեղեր ընդունել։

Ռուսաստանում հայտնաբերվել է կորոնավիրուսով 4731 հիվանդ, մահացել է 43 մարդ, վերականգնվել է 333-ը: