Մոսկվայի մահմեդականները օգնում են ԱՊՀ երկրներից գաղթողներին․ Ռիա նովոստի

Ներգաղթողներին հոգևոր աջակցությունն ու մարդասիրական օգնությունը կդառնան Ռուսաստանի մայրաքաղաքի իսլամական համայնքի գերակա ուղղություններից մեկը, հայտարարել է «Զաքաթ մուսուլման» բարեգործական հիմնադրամը: «Բազմաթիվ ձեռնարկությունների և կազմակերպությունների, այդ թվում՝ շինարարության ոլորտի կորոնավիրուսային համաճարակի պատճառով աշխատանքների դադարեցումը մեր առջև խնդիր է դրել օգնել ներգաղթյալներին, նրանց ընտանիքներին», - ասաց Իզմաիլովը: Նա նշեց, որ այսօր սննդի օգնություն է տրամադրվել ԱՊՀ` Ղրղզստանի, Տաջիկստանի, Ուզբեկստանի ավելի քան 500 ընտանիքների: «Սրանք պարենային ամենօրյա անհրաժեշտության ապրանքներ են: Բացի այդ, մոսկովյան մուսուլմանների հոգևոր տնօրենի հետ միասին մենք նրանց նաև հոգևոր օգնություն ենք ցուցաբերում, քանի որ ներգաղթյալներից շատերը ընկճված են, շատերն էլ գումար չունեն վարձով բնակարան ձեռք բերելու համար», - ասաց Իզմաիլովը: Հիմնադրամի տնօրենի խոսքով՝ ռուս մահմեդականները նաև աջակցում են Սիրիայի, Լիբանանի, Չադի, Բանգլադեշի և այլ երկրների իրենց հավատակիցներին: «Բայց հիմա ժամանակն է ուշադրություն դարձնելու ԱՊՀ երկրների այն մարդկանց, ովքեր ապրում և աշխատում են մեր կողքին: 
Հիմնադրամի ղեկավարը ԱՊՀ երկրների դեսպանություններին հորդորել է Ռուսաստանի մայրաքաղաքի իսլամական համայնքի հետ միասին մասնակցել Ղրղզստանի, Տաջիկստանի և Ուզբեկստանի ներգաղթյալներին ուղղված հնարավոր մարդասիրական աշխատանքներին: