Ռուսաստանում վերջին մեկ օրում հայտնաբերվել է կորոնավիրուսով վարակի 10 581 նոր դեպք․ Ռիա Նովոստի

Ռուսաստանում ախտորոշվել է կորոնավիրուսով հիվանդացության 10 581 նոր դեպք, հայտնում են կորոնավիրուսային վարակի տարածման դեմ պայքարի շտաբում: Վարակի դեպքերի մեծ մասը գրանցվել է Մոսկվայում` 5 795դեպք, Մոսկվայի մարզում` 803 դեպք, Սանկտ Պետերբուրգում` 317 դեպք և Մուրմանսկի շրջանում` 280 դեպք: Պարզվում է, որ նոր գրանցվածներից 5352-ը հիվանդության կլինիկական դրսևորումներ չունեն: 76 հիվանդ մահացել է: Այսպիսով՝ Ռուսաստանում ընդհանուր առմամբ COVID-19 ախտորոշվել է 145 286 մարդու մոտ, որոնցից 1356-ը՝ մահվան ելքով, իսկ 18 095 հիվանդ բուժվել է: