Մոսկվայում աշխատավայրերում «դիմակների ռեժիմը» խախտելու համար տուգանքը կկազմի 4000 ռուբլի․ Ռիա Նովոստի

Մոսկվայի իշխանությունները կսկսեն տուգանել աշխատավայրերում դիմակների ռեժիմի խախտման համար, ասաց Մոսկվայի վերահսկողության գլխավոր վարչության պետ Եվգենի Դանչիկովը: Ավելի վաղ, Մոսկվայի քաղաքապետ Սերգեյ Սոբյանինը հայտարարել էր, որ մայիսի 12-ին Մոսկվայում կներդրվի «դիմակների ռեժիմ»: «Այն ձեռնարկություններում և կազմակերպություններում, որոնց աշխատանքը թույլատրված է, և պայմանները գլխավոր սանիտարական տեսուչի պահանջներին համապատասխանում են, պետք է ներդրվի «դիմակների ռեժիմ», տուգանքը կկազմի 4 հազար ռուբլի», - ասաց Դանչիկովը: «Մենք բացում ենք կազմակերպություններ և ձեռնարկություններ, բայց մենք պետք է ապահովենք քաղաքացիների պաշտպանությունը: Համապատասխանաբար, այնտեղ, որտեղ ավելի սերտ շփում կա, անհրաժեշտ են պաշտպանության լրացուցիչ միջոցառումներ», - պարզաբանեց Դանչիկովը: