Միջազգային սկանդալի պատճառով Ռուսաստանում Չեխիայի դեսպանը հրավիրվել է արտգործնախարարություն․ Ռիա Նովոստի

Դիվանագիտական ​​սկանդալի կապակցությամբ Ռուսաստանում Չեխիայի դեսպանը հրավիրվել է արտգործնախարարություն, հայտնում է Ռիա Նովոստին։ Ապրիլի վերջին «Ռեսեկտ» շաբաթաթերթը տեղեկատվություն էր տարածել այն ​​մասին, որ ռուսական ​​անձնագիր ունեցող տղամարդը մեկնել է Պրահա՝ տեղական երեք քաղաքական գործիչներին թունավորելու նպատակով, որոնք ներգրավված էին Սովետական ​​մարշալ Իվան Կոնևի հուշարձանի քանդման և Բորիս Նեմցովի պատվին Ռուսաստանի դեսպանատան դիմաց հրապարակի անվանափոխման միջոցառումների մեջ: Չեխիայի վարչապետ Անդրեյ Բաբիշն ասել է, որ կառավարությունն այս առիթով որոշում է կայացրել վտարելու երկու ռուս դիվանագետներին: Ռուսաստանի նախագահի խոսնակ Դմիտրի Պեսկովն իր հերթին չեխական ԶԼՄ-ների հաղորդումներն այս մասին համարում է «կեղծ և անհիմն», իսկ Արտաքին գործերի նախարար Սերգեյ Լավրովը ուշադրություն է հրավիրել այն փաստի վրա, որ Մոսկվայի՝ Չեխիայում ինչ֊որ մեկին թունավորելու մտայնության մասին որևէ ապացույց չկա։ Ավելի ուշ՝ Չեխիայի նախագահ Միլոշ Զեմանը կասկած է հայտնել ԶԼՄ֊ների տարածած այդ տեղեկատվության հուսալիության մասին։ Չեխիայի առաջին փոխվարչապետ և ներքին գործերի նախարար Յան Գամաչեկը նույնպես խոստովանել է, որ ոստիկանությունը և հատուկ ծառայությունները այս մասին որևէ ապացույց չունեն: