Միխայիլ Եֆրեմովը հոգեկան խնդիրներ չունի․ նա քրեական պատասխանատվության կենթարկվի․ Ռիա Նովոստի

Հոգեբուժական փորձաքննությամբ հաստատվել է, որ ճակատագրական պատահարի մեջ մեղադրվող Միխայիլ Եֆրեմովը միանգամայն առողջ է, РИА Новости- ին հայտնել է իրավապահ մարմինների աղբյուրը:
«Նա անցել է հոգեբանական և հոգեբուժական փորձաքննություն: Նա առողջ է ճանաչվել», - ասում է աղբյուրը:

Հիշեցնենք, որ հունիսի 8֊ի երեկոյան դերասան Միխայիլ Եֆրեմովը հարբած վիճակում Մոսկվայի Սմոլենսկայա հրապարակում մեծ արագությամբ մուտք է գործել հանդիպակաց գոտի և բախվել «Lada» ավտոմեքենային։ «Lada»֊ի վարորդը հոսպիտալացվել է գլխի փակ վնասվածքով, այնուհետև նա մահացել է:
Փորձաքննությամբ պարզվել է, որ վթարի պահին Եֆրեմովը հարբած է եղել, իսկ ավելի ուշ նրա արյան մեջ հայտնաբերվել են թմրանյութի հետքեր: Այժմ արտիստը տնային կալանքի տակ է։ Նրան սպառնում է մինչև 12 տարվա ազատազրկում:
Վթարից օրեր անց Եֆրեմովը տեսաուղերձ էր ձայնագրել, որում նա ներողություն էր խնդրել Զախարովի ընտանիքից՝ ասելով, որ պատրաստ է կրելու իր պատիժը։ Նա նաև ֆինանսական օգնություն էր խոստացել հանգուցյալի ընտանիքին: Բայց, ըստ փաստաբան Ալեքսանդր Դոբրովինսկու, Զախարովների ընտանիքը չի ընդունել ներողությունը և հրաժարվել է որևէ օգնությունից: