Ղազախստանում ոստիկանը դուրս է թռել 13-րդ հարկի պատուհանից և բռնել մանկապիղծին (լուսանկար)
Աշխարհ
Ղազախստանի Ալմաթի քաղաքում ոստիկանը անչափահաս աղջկա բռնաբարության մեջ կասկածվող տղամարդուն բռնելու նպատակով ցատկել է 13-րդ հարկի պատուհանից:
Ոստիկանության մայոր Բակիթժան Բաքիրովը մասնակցում էր 15-ամյա աղջկան բռնաբարելու և խոշոր գումար գողանալու մեջ կասկածվող տղամարդուն բռնելու ոստիկանական հատուկ օպերացիայի:
Երբ Բաքիրովը մտել է կասկածյալի՝ շենքի 13-րդ հարկում գտնվող բնակարան, վերջինս հասկացել է, որ ինչ-որ բան այն չէ և դուրս է ցատկել պատուհանից:
Բաքիրովը, առանց երկար մտածելու, հետևել է նրան և նույնպես դուրս թռել, սակայն, բարեբախտաբար, ընկել է 2 հարկ ներքև գտնվող սանդղավանդի վրա:
Ընկնելու հետևանքով 38-ամյա ոստիկանը վնասել է ոտքը, սակայն ի վերջո կարողացել է բռնել հանցագործին:
Նշվում է, որ խիզախ ոստիկանը, ով նաև վեց երեխաների հայր է, պարգևատրվել է մեդալով: Բժիշկների հաղորդմամբ՝ նա շուտով կապաքինվի և կկարողանա շարունակել «բռնել հանցագործներին»:
ՈՒՂԻՂ ԵԹԵՐ
Ամենադիտված 
Մարիամ Փաշինյանը նոր հրապարակում է կատարել ծնողների ամուսնալուծության ֆոնին
