Մոսկվան հույս ունի, որ ՄԱԿ-ը կմիանա Ղարաբաղում հումանիտար խնդիրների լուծմանը. Լավրով
Ռուսաստան
Մոսկվան հույս ունի, որ ՄԱԿ-ի կառույցները Միջազգային կարմիր խաչի կոմիտեից (ՄԿԽԿ) անմիջապես հետո կմիանան Ղարաբաղում հումանիտար խնդիրների լուծմանը: Այդ մասին նոյեմբերի 17-ին հայտարարել է ՌԴ ԱԳ նախարար Սերգեյ Լավրովը:
«Մենք հույս ունենք, որ կմիանան նաեւ այլ հումանիտար կառույցներ, ամենից առաջ Միավորված ազգերի կազմակերպության կառույցները: Ես նկատի ունեմ փախստականների գործերի գերագույն կոմիսարի վարչությունը, հումանիտար հարցերի կոորդինացման վարչությունը եւ, իհարկե, Լեռնային Ղարաբաղում սուր կերպով ծառացած են նաեւ մշակութային ժառանգության պահպանման խնդիրները: Եվ այստեղ իր դերը կարող է խաղալ ՅՈւՆԵՍԿՕ-ն»,-ասել է նա լրագրողներին:
Նա նշել է, որ ՄԿԽԿ-ն վաղուց ներկա է տարածաշրջանում եւ նրա փորձը կարող է օգտակար լինել մյուս կազմակերպությունների համար: «Ես կարծում եմ, որ մարտական գործողությունների դադարացումն այս պայմանավորվածությունների հիման վրա, իհարկե, լրացուցիչ հնարավորություններ է բացում Միջազգային կարմիր խաչի կոմիտեի աշխատանքի համար, որը ներկա է ե՛ւ Հայաստանում, ե՛ւ Ադրբեջանում, ներառյալ նաեւ Լեռնային Ղարաբաղը»,-ասել է Լավրովը լրագրողներին: Նրա խոսքով՝ ՄԿԽԿ-ն կարող է կարեւոր դեր խաղալ Լեռնային Ղարաբաղում տեղի ունեցածի հետեւանքները հաղթահարելու գործում, հաղորդել է ՌԻԱ Նովոստին:
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
