Ադրբեջանում 541 թուրքամետ սիրիացի վարձկան է սպանվել. SOHR
Արցախ
Մարդու իրավունքների սիրիական դիտորդական կենտրոնը (SOHR) նոր տվյալներ է հրապարակել Ադրբեջանի շարքերում կռվող սիրիացի վարձկանների վերաբերյալ:
SOHR-ի տվյալներով` Սիրիա վերադարձած գրոհայինները տարբեր չափի վարձավճարներ են ստացել: Ոմանց տրվել է 3500 դոլար և 600 թուրքական լիրա, մյուս խմբին՝ 1000 դոլար և 1000 լիրա, ոմանք էլ երկու անգամ են վարձատրվել՝ ընդհանուր 5000 թուրքական լիրայի չափով:
Կենտրոնի հաղորդմամբ` բոլոր վարձկաններն էլ նշել են, որ ամբողջ գումարը չեն ստացել:
Նշվում է, որ Արցախում սպանված սիրիացի վարձկանների թիվը գերազանցում է Լիբիայում սպանվածներին: Ըստ կենտրոնի՝ Ադրբեջանում 541 թուրքամետ սիրիացի վարձկան է սպանվել, իսկ Լիբիայում նրանց թիվը կազմել է 468:
Հաղորդվում է նաև, որ 825 գրոհայիններ դեռ գտնվում են Ադրբեջանի տարածքում: Ընդհանուր առմամբ, թուրքական կառավարության աջակցությամբ Ադրբեջան էր տեղափոխվել 2580 սիրիացի վարձկան:
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
