Ղարաբաղում բուժաշխատողների մեծ դեֆիցիտ կա․ Դեմիդովիչ

Լեռնային Ղարաբաղի Հանրապետությունը Հայաստանի և Ադրբեջանի միջև վերջերս տեղի ունեցած զինված բախումից հետո բժշկական խնամքի ոլորտում կադրերի սակավության է բախվում։ Այդ պայմաններում ԼՂՀ-ին օգնում են ռուս խաղաղապահները, գրում է Ռիա Նովոստին:
«Ցավոք, ռազմական գործողությունների ընթացքում այստեղ շատ բժիշկներ չեն մնացել և դեռ բոլորը չեն վերադարձել: Միևնույն ժամանակ, մասնագետներ էին եկել Երևանից: Բայց ռազմական գործողություններն ավարտվեցին, և նրանք հեռացան: Հետևաբար, որոշ շրջաններում անձնակազմի պակաս կա», - ասել է Դեմիդովիչը: Նրա խոսքով, ԼՂՀ-ում ռուս մասնագետները հավաքում, ընդհանրացնում և վերլուծում են այս տեղեկատվությունը, ինչպես նաև ղարաբաղյան կողմին ներկայացնում իրենց առաջարկությունները բժշկական օգնություն կազմակերպելու վերաբերյալ:  Հարցին, թե ռուս ռազմական բժիշկները լեզվական խոչընդոտի պատճառով դժվարություններ ունե՞ն ԼՂՀ բնակչությանը օգնություն ցուցաբերելու հարցում, նա պատասխանեց, որ շատ դեպքերում տեղական բուժաշխատողները օգնում են խաղաղապահներին:
«Որոշ դեպքերում մենք խոսում ենք, ինչպես կարող ենք: Բայց թյուրիմացություն դեռևս չի առաջացել», - ասել է ՌԴ Խաղաղապահ գործողությունների կենտրոնի բժշկական աջակցության կենտրոնի ղեկավար, փոխգնդապետ Եգոր Դեմիդովիչը: