Էդմոն Մարուքյանը հանդիպել է ԱՀ նախագահ Արայիկ Հարությունյանին

ՀՀ Ազգային ժողովի պատգամավոր Էդմոն Մարուքյանը ֆեյսբուքյան իր էջում գրել է․

«Այսօր Արցախում հանդիպել ենք Արցախի Հանրապետության նախագահ Արայիկ Հարությունյանին։

Հանդիպման ժամանակ Արայիկ Հարությունյանը ներկայացրել է հետպատերազմյան իրավիճակն Արցախում, նշել ստեղծված խնդիրների հաղթահարմանը միտված ծրագրերի ընթացքը:

Նաև երկուստեք կարևորել ենք քաղաքական ինստիտուտների ակտիվ աշխատանքը՝ ընդգծելով, մասնավորապես, հայկական երկու հանրապետությունների օրենսդիր մարմինների փոխգործակցված և ներդաշնակ գործունեության անհրաժեշտությունը»: