Շոշում վերականգնվում է 15 առանձնատուն. շահագործման կհանձնվեն մինչև փետրվարի վերջ

ԱՀ Ասկերանի շրջանի Շոշ գյուղում շարունակվում են վերակառուցման, վերանորոգման, ապամոնտաժման աշխատանքները: 

ԱՀ քաղաքաշինության նախարարությունից հայտնում են, որ պատերազմի հետևանքով գյուղում վնասվել է 93 առանձնատուն։ 
Ներկա պահին շինարարական խմբերը վերանորոգում ու վերակառուցում են 15 առանձնատուն: Նախատեսվում է դրանք շահագործման հանձնել մինչև փետրվարի վերջ։

Գյուղում արդեն գործում են դպրոցն ու մանկապարտեզը։