Հայաստանն ու Արցախը չեն ձևակերպել անվտանգության ապահովման մոտեցումներ. «Հենակետ»
Արցախ
Արցախում ստեղծված նոր իրողությունների պայմաններում սադրանքների, տարաբնույթ գործողությունների կանխման մեխանիզմներ ներդնելու խնդիր կա, հայտնում է «Հենակետ» վերլուծական կենտրոնը:
Ըստ նկատառման՝ վերջին ամիսներին գրանցվող միջադեպերը լոկալ բնույթ են կրում, սակայն դրանց հաճախակի բնույթը, անվտանգության ապահովման ոչ լիարժեք մեխանիզմները, Հայաստանի իշխանությունների անտարբեր վերաբերմունքն իրավիճակը մտահոգիչ են դարձնում։
«Ո՛չ Հայաստանը՝ իր մասով, ո՛չ Արցախը չեն ձևակերպել անվտանգության ապահովման իրենց մոտեցումներ, ըստ այդմ՝ նշված սպառնալիքների հաղթահարման ուղղությամբ արդյունավետ միջոցներ չեն գործում։ Տնտեսական, սոցիալական, հումանիտար բնույթի ծրագրերը կարևոր են, սակայն անվտանգության հարցերը միայն հայտարարություններում են առաջնային բնույթ կրում։
Այս ուղղությամբ կուտակված խնդիրների լուծման գործում լուրջ առաջընթաց չկա», - ասված է կենտրոնի տարածած հաղորդագրության մեջ:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
