ՌԴ անբարյացակամ երկրների ցուցակի ստեղծումը տարածաշրջանում ապակայունացման տանող ևս մեկ քայլ է․ Եվրախորհրդի ղեկավար

Եվրոպական խորհրդի ղեկավար Չարլզ Միշելը անբարյացակամ երկրների ռուսական ցուցակը անվանել է տարածաշրջանում ապակայունացման ևս մեկ քայլ, որը խարխլում է դիվանագիտական ​​հարաբերությունները:
«Ռուսաստանի կառավարության որոշումը «անբարյացակամ գործողություններ կատարող պետությունների մասին» ևս մեկ քայլ է դեպի ապակայունացում, որը խարխլում է դիվանագիտական ​​հարաբերությունները», - գրել է Միշելը Twitter-ի իր էջում: Եվրոպական խորհրդի ղեկավարը համերաշխություն է հայտնել ցուցակում ընդգրկված Չեխիային, ինչպես նաև կոչ է արել Ռուսաստանին «ամբողջությամբ կատարել Վիեննայի կոնվենցիան»: «ԵՄ-ն մասնատելու փորձերն ապարդյուն են», - շեշտել է Միշելը:Ինչպես հայտնի է,  Ռուսաստանի Դաշնության նախարարների կաբինետը հաստատել է այն պետությունների ցանկը, որոնք Ռուսաստանի հանդեպ անբարյացակամ են։ Ցուցակում տեղ են գտել երկու երկիր՝ ԱՄՆ֊ն և Չեխիան: