Հայտնի է, թե երբ է Ռուսաստանը դուրս գալու «Բաց երկնքի» պայմանագրից

Ռուսաստանը, ըստ ընթացակարգային կանոնների, դուրս կգա «Բաց երկնքի» պայմանագրից մոտավորապես դեկտեմբերին, հայտարարել է ՌԴ փոխարտգործնախարար Սերգեյ Ռյաբկովը:
Ավելի վաղ Ֆեդերացիայի խորհրդի միջազգային կոմիտեի ղեկավար Գրիգորի Կարասինը հաստատել էր, որ Դաշնության խորհուրդը նախատեսում է քննարկել «Բաց երկնքի» պայմանագրի չեղյալ հայտարարումը հունիսի 2-ին: «Այն բանից հետո, երբ օրենքը, հուսով եմ, կընդունվի, այնուհետև, կհաստատվի Ֆեդերացիայի խորհրդի կողմից, այն կուղարկվի, որպեսզի նախագահը տորագրի:  Այս օրվանից վեցամսյա ժամկետում՝ երկիրը պաշտոնապես լքում է պայմանագիրը։ 

Բաց երկնքի մասին պայմանագիրը, որը անդամ երկրներին իրավունք է տալիս միմյանց տարածքներում թռիչքներ իրականացնել ռազմական գործողությունները դիտարկելու համար և կարգավորում է այդպիսի թռիչքների իրականացումը, սառը պատերազմից հետո դարձել է Եվրոպայում վստահության ամրապնդման միջոցներից մեկը: 2020-ի մայիսին ԱՄՆ-ը սկսեց «Բաց երկնքի» պայմանագրից դուրս գալու կարգը, որն ավարտվեց նոյեմբերի 22-ին: Ի պատասխան այս որոշման՝ Ռուսաստանի արտաքին գործերի նախարարությունը հունվարի 15-ին հայտարարեց պայմանագրից դուրս գալու ներքին ընթացակարգերի մեկնարկի մասին: Այնուհետև Ռուսաստանի Դաշնության նախագահ Վլադիմիր Պուտինը Պետդումային ներկայացրեց «Բաց երկնքի» պայմանագիրը չեղարկող օրինագիծ: