Կիպրոսում բրիտանուհին AstraZeneca-ով պատվաստումից հետո մահացել է թրոմբոզից

Կիպրոսում գրանցվել է առաջին մահվան դեպքը AstraZeneca դեղամիջոցով կորոնավիրուսի դեմ պատվաստվածների շրջանում։ 39-ամյա բրիտանոհին պատվաստումից հետո մահացել է թրոմբոզից։ Եվրոպական դեղերի գործակալությունը պետք է պարզի մահվան կապը պատվաստանյութի հետ, հաղորդում է Filelefteros-ը՝ վկայակոչելով Կիպրոսի OKYPY հանրային առողջապահական ծառայությունների կազմակերպությանը: Սկզբնապես կինը բուժվում էր Պաֆոսի հիվանդանոցներից մեկում, բայց նրա վիճակի լրջության պատճառով նրան տեղափոխել էին Նիկոսիայի հիվանդանոց: Մայիսի սկզբին բրիտանուհին պատվաստվել էր Պաֆոսում ՝ AstraZeneca պատվաստանյութով:  Հայտնի է, որ մեկ այլ 40-ամյա կին ունեցել է թրոմբոէմբոլիա և այժմ գտնվում է լավ վիճակում և շարունակում է բուժումը Նիկոսիայի հիվանդանոցներից մեկում: