Չինաստանը զրպարտություն է անվանել կորոնավիրուսի «լաբորատոր արտահոսքի» մասին ԱՄՆ հայտարարությունը

Վաշինգտոնում Չինաստանի դեսպանությունը դատապարտել է Պեկինին կորոնավիրուսի «լաբորատոր արտահոսքի» մեջ մեղադրելու փորձերի համար: Այդ մեղադրանքը ԱՄՆ նախագահ Ջո Բայդենի՝ կորոնավիրուսի ծագումը բացահայտելու հրամանից հետո տեղ է գտել դիվանագիտական ​​առաքելության կայքում տեղադրված հայտարարության մեջ, որը չի բացառել  COVID-19 հարուցիչի ծագման այդ տարբերակը:
«Անցյալ տարվա դասը դեռ վառ է մեր հիշողության մեջ: Մինչ համաճարակի վտանգը դեռ կախված է աշխարհի վրա, և միջազգային հանրությունն ակնկալում է ավելի լավ համակարգում երկրների միջև, որոշ մարդիկ դեռ դիմում են իրենց հին գործելաոճին: Մենք չենք կարող չհարցնել՝ մի՞թե նրանք չեն սովորել անցյալի այն դառը դասը, թե՞ նրանք ուզում են, որպեսզի  ողբերգությունները կրկնվեն»: - ասվում է փաստաթղթում:

Ինչպես նշվում է գրառման մեջ, «ոչ վաղ անցյալում որոշ մարդիկ փորձեցին խաղարկել հին հնարքը՝ կորոնավիրուսի ծագման թեման շրջանառելով՝ իրենց վրա ուշադրություն հրավիրելու համար»: Անանուն հայտարարությունը Պեկինը համարել է զրպարտության և մեղադրանքների արշավ, ինչպես նաև «լաբորատոր արտահոսքի» դավադիր տեսության վերածնունդ: Դեսպանությունն ընդգծում է, որ «որոշ քաղաքական ուժեր համաճարակի հենց սկզբից փորձել են շահարկել և մեղադրել Չինաստանին»: Պեկինը նաև հավելել է, որ հետաքննության քաղաքականացումը կդժվարացնի պարզել վիրուսի ծագումը: