Լավրովը հայտնել է, թե ինչ պայմաններով ՌԴ֊ն կվերսկսի երկխոսությունը Եվրամիության հետ

Ռուսաստանի և ԵՄ-ի միջև հարաբերությունները կարող են կարգավորվել հավասարության և փոխադարձ հարգանքի հիման վրա։ «Չպետք է լինեն նոր բաժանարար գծեր և մրցակցային առավելություններ ստանալու փորձեր՝ ոտնահարելով գործընկերների օրինական շահերը», - ասել է ՌԴ ԱԳ նախարար Սերգեյ Լավրովը: «Մենք հաստատեցինք հարաբերությունների կարգավորման, երկխոսությունը վերսկսելու մեր պատրաստակամությունը, բայց բացառապես հավասարության, փոխադարձ հարգանքի, շահերի հավասարակշռության կառուցման հիման վրա՝ առանց միակողմանի պահանջների և նախապայմանների», - ասել է Լավրովը լրագրողներին: Նա նշել է, որ Պորտուգալիայի կողմից ԵԽ-ում իր նախագահության ընթացքում հնչեցված առաջնահերթությունները տեղավորվում են պոտենցիալ համագործակցության ոլորտներում, որոնք քննարկվել են Մոսկվայում կայացած հանդիպմանը:
«Մենք ելնում ենք նրանից, որ Ռուսաստանը և Եվրամիությունը համատեղ պատասխանատվություն են կրում մեր ընդհանուր աշխարհաքաղաքական տարածքում կայունության և անվտանգության պահպանման համար։ Չպետք է լինեն նոր բաժանարար գծեր, փորձեր՝ ձեռք բերելու մրցակցային առավելություններ՝ խախտելով օրինական գործընկերների շահերը: Դրանք պետք է լինեն ընկերական, կոլեկտիվ ջանքեր», - ավելացրել է ՌԴ ԱԳՆ ղեկավարը: Նա, միաժամանակ, հավելել է, որ Ռուսաստանի և ԵՄ֊ի միջև հարաբերությունները կարգավորելու համար շատ ջանքեր են պետք։