Գերմանիայի ԱԳ նախարարը հորդորել է համաճարակի վերաբերյալ գլոբալ պայմանագիր կնքել

Գերմանիայի արտաքին գործերի նախարար Հեյկո Մաասը կոչ է արել համապարփակ պայմանագիր կնքել համաճարակները կանխելու վերաբերյալ: Ելույթ ունենալով արտասահմանում գերմանական դիվանագիտական ​​առաքելությունների ղեկավարների համաժողովում՝ Մաասը հիշել է, որ «Բազմակողմանիության դաշինքի» շրջանակներում անդամ երկրները հավատարիմ են այն սկզբունքին, որ պատվաստանյութերը «գլոբալ հանրային բարիք են»:

«Ճգնաժամից դուրս գալու մասին պայմանագիր ստորագրել՝ նշանակում է՝ ավելի լավ պատրաստվել հաջորդ առողջական ճգնաժամերին», - ասել է Մաասը: Նա նաև նշել է, որ Եվրոպան հույս ունի նախագահ Ջո Բայդենի օրոք ԱՄՆ-ի ավելի ակտիվ մասնակցության միջազգային քաղաքականությանը՝ հիշեցնելով նրա հայտարարությունը Միացյալ Նահանգների վերադարձի մասին և նշելով, որ «Եվրոպան ոչ մի տեղ չի գնացել»:

«Գաղտնիք չէ, որ վերջին տարիներին վտանգվում է միջազգային կայունությունը և որոշ միջազգային կազմակերպությունների պահպանումը: Մենք դրան քաղաքական, հայեցակարգային և ֆինանսական դիմադրություն ենք ցույց տվել: Սա արդեն իր պտուղներն է տալիս», - ասել է նա՝ անդրադառնալով Իրանի հետ միջուկային գործարքի երկարաձգման բանակցություններին։