«Բացառվում է». Պակիստանը հրաժարվել է ԱՄՆ֊ին տրամադրել իր ռազմաբազաները

Պակիստանի՝ ցանկացած ռազմաբազայի ԱՄՆ֊ին տրամադրելու հարցը, որի դեպքում դուրս է բերվում ռազմական զորակազմը Աֆղանստանից, Իսլամաբադի քաղաքական օրակարգում չկա։ Դրա մասին տեղեկացվել են Պակիստանի քաղաքական կուսակցությունները։ Այս մասին ասել է Պակիստանի արտաքին գործերի նախարար Շահ Մեհմուդ Քուրեշին։
Դիվանագետը նշել է, որ Պակիստանը ցանկանում է, որ Աֆղանստանում խաղաղ գործընթացն առաջ շարժվի ամերիկյան զորքերի դուրսբերմամբ:
«Բազաների որոնումը կարող է լինել ամերիկացիների ցանկությունը: Նրանց ռազմաբազա տալու մասին խոսք լինել չի կարող, մենք պետք է տեսնենք մեր շահը», - Քուրեշիի խոսքերը մեջբերում է ՌԻԱ Նովոստին:

New York Times-ը նախօրեին, վկայակոչելով իր աղբյուրներին, գրել էր, որ Սպիտակ տունը բանակցություններ է վարում Պակիստանի կառավարության հետ ռազմաբազա տրամադրելու համար, որն օգտագործվելու է հետախուզական տվյալներ հավաքելու և Աֆղանստանում հակաահաբեկչական հարվածներ հասցնելու համար՝ այնտեղից ամերիկյան ստորաբաժանումների դուրսբերումից հետո: Ապրիլի վերջին ՆԱՏՕ-ի ուժերը և, մասնավորապես, ԱՄՆ-ն սկսեցին իրենց զորքերը դուրս բերել Աֆղանստանից: Ի սկզբանե պլանավորված էր, որ բոլոր արտասահմանյան զորքերը հանրապետությունը լքելու էին մինչև այս տարվա մայիսի 1-ը: Ավելի ուշ ԱՄՆ նախագահ Ջո Բայդենը հայտարարեց, որ դուրսբերումը նախատեսվում է ավարտել այս տարվա սեպտեմբերի 11-ին: