Բայդենը և Զելենսկին քննարկել են, թե ինչպես պայքարել կոռուպցիայի և «ռուսական ագրեսիայի» դեմ

ԱՄՆ նախագահ Ջո Բայդենը, իր ուկրաինացի գործընկերոջ՝ Վոլոդիմիր Զելենսկու հետ հեռախոսազրույցում քննարկել է Կիևին աջակցությունը «Ղրիմում շարունակվող ռուսական ագրեսիայի», կոռուպցիայի դեմ պայքարի և բարեփոխումների հետ կապված հարցեր, ասել է ամերիկյան վարչակազմի պաշտոնական ներկայացուցիչ Ջեն Պսակին:
«Բայդենը վերահաստատեց ԱՄՆ-ի ուժեղ աջակցությունը Ուկրաինայի ինքնիշխանությանը և տարածքային ամբողջականությանը», - ասել է Պսակին Սպիտակ տան մամուլի ծառայության տարածած հայտարարության մեջ: Բացի այդ՝ երկու երկրների նախագահները, ըստ Սպիտակ տան խոսնակի, «քննարկել են կոռուպցիան արմատախիլ անելու և բարեփոխումներ իրականացնելու Զելենսկու ծրագրին աջակցելու և ռազմավարական գործընկերության հարցը» և «Ուկրաինայի եվրատլանտյան նկրտումները, որոնք կհանգեցնեն արդարության, անվտանգության և ժողովրդի բարեկեցության»: Պսակին հաստատել է, որ Բայդենը «այս ամառվա վերջին» Վաշինգտոնում սպասում է Զելենսկիին։