Թրամփը «պայծառ մարդ» է․ Պուտին
Համաշխարհային Մամուլ
Ռուսաստանի նախագահ Վլադիմիր Պուտինը հայտարարել է, որ հարգում է Ամերիկայի նախկին առաջնորդ Դոնալդ Թրամփին և նրան անվանել է «պայծառ մարդ»: Հարցազրույցը տեղի է ունեցել NBC հեռուստատեսության եթերում: «Նույնիսկ հիմա ես կարծում եմ, որ ԱՄՆ նախկին նախագահը՝ պարոն Թրամփը, արտակարգ անձնավորություն է, տաղանդավոր մարդ, այլապես նա չէր դառնա ԱՄՆ նախագահ», - ասել է Ռուսաստանի ղեկավարը: «Նա պայծառ մարդ է՝ անկախ նրանից՝ նա ձեզ դուր գալիս է, թե ոչ: Մինչ նախագահ դառնալը՝ նա մեծ քաղաքականության մաս չէր կազմում, և դա դա փաստ է», ֊հավելել է Պուտինը։ Հարցազրույցն ամբողջությամբ եթեր կհեռարձակվի NBC հեռուստատեսությամբ՝ հունիսի 14-ին։
Ինչպես հայտնի է, հինգշաբթի օրը շրջանառվող գրավոր հայտարարության մեջ Թրամփը խնդրել էր Ամերիկայի գործող առաջնորդ Ջո Բայդենին Ժնևի գագաթնաժողովի ընթացքում փոխանցել իր լավագույն մաղթանքները Պուտինին: Նախկին նախագահը նշել էր, որ Հելսինկիում Ռուսաստանի պետության ղեկավարի հետ իր հանդիպումը 2018 թվականին «գերազանց և շատ արդյունավետ արդյունք է ունեցել»:
Ամենադիտված 
Մնաս բարյավ. Րաֆֆի Հովհաննիսյան
